我覺得自己咁落去開始唔掂。

成績一年差過一年，由小五全級第一跌到中三第七十都唔知有無，數學由100分跌到50分，英文由Set5跌到Set6，明年都唔知會唔會跌落Set7…… 選科揀A-maths Econ，結果得第四志願的Econ Geog。彈琴？我已經唔得啦，人地個個愈彈愈好，我就原地踏步，細數過去一年我有乜進步？食野囉，打機囉，訓覺囉！上學期可以自信到一點書都唔溫，宜家嘛得個桔，後悔都黎唔切。

如果係度列出我今年失敗既事情，兩個禮拜都打唔哂。中學浪費左兩年半，好彩下學期都勉強有溫書，成績都過得去。

明年係我係演藝既最後一年，真係好唔捨得，雖然過去同個度D同學都係半生熟，除左星期日番演藝練琴個時打聲招呼，就無乜講過幾句野。但係今年都應該對佢地認識多D，等第時得閒一齊「飲啖茶，食個包」。數數下我同好多人都識左好多年，不過同我同一年入演藝既，唔係飛左去外國就係唔讀演藝，宜家剩番得Rhythmie一個係同我同一年……嘩！ 十年啦……我覺得好慚愧。

原來咁多野轉眼間就改變，我有必要珍惜身邊每一件事，每一個人，甚至每一件物件，所以我決定，8月開始重新做人！(所以我delete哂xanga之前D野)